رئيس مجلس الادارة ورئيس التحرير : الرشيد علي عمر
المدير العام : فاطمة الصادق

في السلك .. العمومية والقاضية الفنية


 *ملت الجماهير مباراة الملاكمة بين انصار اجازة النظام الاساسي واصحاب الحنين لعهد تدخلات المرحوم الطرف الثالث
*اليوم جولة جديدة وهامة
*وحتي لا يمل الملل نفسه من مللنا
*نتمناها الجولة الاخيرة التي تعلن الفائز بالضربة القاضية الفنية
*واهمس في اذن اعداء المجلس واحباب المؤتمر الوطني(اللهم اغفر له ان كان مسيئا)
*اهمس في اضنينهم جوووووة
*ان تأجيل اجازة النظام الاساسي هو اطالة لعمر مجلس حاربوه قبل ان يقفل باب الانتخاب
*فان كانوا جادين فعلا في انهاء ولاية هذا المجلس
*عليهم بالاسهام لاجازة النظام الاساسي والاسراع
*واقرصهم في طرف اضنينهم قائلا
*سواء تمت اجازة النظام الاساسي ام لم تتم
*عودة لتدخل الطرف التالت مستحيلة
*والنظام الاساسي ليس بقرآن غير قابل للتغيير
*بقبل التغيير شريطة ان لايتعارض مع موجهات الفيفا
*واهم تلك الموجهات هو عدم السماح للطرف التالت بحشر انفه في شان النادي
*مفوضية نهي بالكل باجا
*وزيري عين لي وانا ابسم ليك نهي نهي نهي
*اما طيبة الذكر امانة الشباب
*لو جات سيرتها الفيفا بتوديكم لاهاي
*تبقي حرب عرقلة النظام الاساسي ماهي الا داحس ندامة علي العهد البائد وغبراء الحاكمية والحق في التطور والتقدم
*والمريخ ناد كبير بي جرجير وبدون جرجير
*وبمناسبة المؤتمر الوطني
*تجدني مستغربا من مواقف منسوبيه بعد ثورة منسوبينا
*منسوبيه يقولوا ليك لازم نحارب الاتحاد العام لانو جابو المؤتمر الوطني
*ونفس من يقول ذاك هو مؤتمر وطني جاهر بها يوما ما علنا وعضو محترم فيه وعضو لجنة تنمية وتتطوير مدينة من اعرق مدن السودان مثلا
*زول بكل هذه الصفات يجيك ينتقد ليك المؤتمر الوطني ويطالب بحرب الاتحاد الجابو المؤتمر الوطني
*والغريبة ده حال غالبية اعضاء المؤتمر الوطني بعد ثورتنا دي مابتقدرها
*ياخ ردوا للمؤتمر الوطني جزء من جمايلو عليكم وترحموا عليه
*فذكر محاسن الموتي مطلوب ومندوب ومستحب بل واجب ديني واخلاقي وانساني
*المهم
*الليلة الجولة الاخيرة
*فلا تفوتك الضربة القاضية
*لانها ستنقل المريخ من رحاب الطرف التالت والمحسوبية
*الي فضاءات الحوكمة والديمقراطية وحكم الشعب
*فمن كان يريد ذلك نتوقعه حضورا انيقا
*ومن كان لايريد ذلك
*نتوقع حضوره للاسراع باجل المجلس
*ومن كان مغيبا
*نتوقعه من بدري عشان يفهم الحاصل شنو
*فلقد انتهي زمن العضوية بالراس
*واشرق عهد العضوية ام راس
*العضوية الفاهمة صاحبة العقل الذي يميز
*العضوية التي لا تساق كالانعام
*ولا تردد عبارات لاتفهمها
*ولا تتبني مواقف الآخرين عن جهالة
*المهم
*في البلد دي لو بقيت رئيس بطلبوك
*رئيس المؤتمر الوطني طلبوه في الجنائية يامان
*رئيس المريخ قالوا طالبنوا العرب
*ورئيس الهلال قالوا والعهده علي الراوي طالبنوا الامريكان
*لذا
*اختي البايرة
*ابقي رئيسة
*ان شاء الله رئيسة لجنة شعبية
*شعبية وييييين؟
*اه وييين يا
*ابقي رئيسة لجنة مقاومة
*صدقيني بطلبوك
*وتتفكفكي من البورة
*وطلبوك ولا جوك جوك
*عريس ان شاء الله لو ساعي
*يجيب الشيلة قطاعي
*بس هو يجي
*عريس ان شاء الله لو احوص
*يسك العجلة قايلة بص
*بس هو يجي
*عريس ان شاء الله لو ككو
*يجي في الحفلة ام..ام اي حاجة
*ان شاء الله ام فتفت
*بس هو يجي
*ايها الناس
*اجازة النظام الاساسي شئ اساسي
*والعندو وجهة نظر فيهو ما ما مشكلة
*خلونا نجيزوا ونعدلوا في عهد المجلس الجديد
*بس نخطوا للامام وبعدين نعدل
*نمتلك البيت وبعدين نعمل اضافاتنا ان اردنا
*لكن معارضة امتلاك البيت لن تجدي
*ففهم الغرفة دي ضيقة ما مبرر لترك البيت
*ممكن تتوسع مستقبلا
*والغرفة الواسعة ممكن تتوسع برضو
*ولعل اغلب الاحتجاجات علي المطبخ
*المطبخ الامريكي جميل وانيق وعملي
*ماعارف الطباخين التقليديين مابنوا ليه
*ايها الناس ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*حمامة السلام بترفرف علينا
*والمباحثات مع قطاع الشمال تجري وسط امانينا
سلك كهربا
ننساك كيف والكلب قال نظام نجيزو ليك ثورة وبورة نفكفكها ليك ثورة بس حاول ماتغيب
والي لقاء
سلك




كاتب: | تصنيفات: أعمدة الرأي, محلية | تعليقات: 0 | 2019/10/19



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إحصائيات المواقع الاجتماعية


متابع

اعلانات


في الساحات /قناة الهلال مع الاستاذ الرشيد علي عمر


شاهد هدف الضي الاول في قمة زايد


الاسياد موبايل


تابعونا هنا..


الأرشيف الكامل


القائمة البريدية